XXX Chornadas d’as luengas d’Aragón

D’o 8 a lo 12 d’abril de 2024

Toz es actos se farán en o Centro Joaquín Roncal a las 19h c/ Sant Braulio 5, Zaragoza

L’autora d’o cartel ye Carolina Ferrer, que va a participar en «O zaguer chilo 7» @carolinaferrerrr

Luns 8. Teatro en asturianu. Sergio Gayol y Bárbara Rodríguez

Sergio Gayol fue director y productor d’artes scenicas en Teatro del Cuervo dende abril de 2008 (16 anyos). Ha estau actor profesional en Imprebis dende marzo de 1999 dica chulio de 2011 (mas de 12 anyos) en Madrit y arredols. Fació arte dramático y interpretación textual 4 anyos en l’Instituto d’o teatro y d’as artes scenicas d’o Principau d’Asturias. Chunto con Bárbara Rodríguez contina fendo teatro en castellano y, prou que sí, en asturianu. Bárbara Rodríguez ye aduyant de Dirección d’o Teatro del Cuervo y actriz. En es Premios d’as artes scenicas d’Asturies han estau finalistas en as categorías de millor dirección, millor interpretación femenina y millor scenografía.

Martes 9. A la brempa d’el mallo gran. Óscar Lerín

S’editó en 2023. Esta novela, escrita en aragonés belsetán d’Espierba, se trestalla en 3 partes. La primer la protagoniza Paola, una choven historiadora que se’n va de vacacions ta Espierba, una aldeya d’a Val de Bielsa. La segunda parte versa sobre las conversas que la historiadora tien con Rosa Piniés y con Ánchel, un d’es fillos. I hai chiquez relatos, toz basaus en feitos reals. En a tercer parte Paola mirará de trobar es restos d’o chirmán de Rosa, muerto en a Guerra Civil.

Naixiu de Zaragoza en 1979, Óscar Lerín ye licenciau en Historia y titulau en Filolochía aragonesa. Dende bien chicot aprendió l’aragonés de boca de sus pais (familia paterna d’Espierba, y materna d’A Comuna) y prenió consciencia d’a problematica d’a luenga aragonesa. Ixó lo levó a participar en asociacions como Nogará u Fendo tranya. Tamién ha escrito buena cosa d’articlos en revistas como O Espiello y Fuellas. Amás, publicó lo libro Es recuerdos de paye en 2016 y fue editor-transcriptor d’o libro Baitico, memoria de la Valle Bielsa en 2017.

Miercres 10. Cuento de grudas. Pilar Domené

Cuento solidario pa ninos y grans, que naixe d’a deleria per escribir y ilustrar un cuento, de l’amistat entre millons de preguntas que surten d’as grudas cuan marchan y d’o suenyo d’una nina que quereba duyar a la chent.

Agradeixer, de boca d’a suya autora, que Cuento de grudas contina entabant gracias a la chent que lo crompa y colabora en esta loca y marabillosa aventura.

Chueves 11. Prochección d’o curto-documental Batimento y charrada con a directora Silvia Orós

Silvia Orós ye apareixadora, encara que ha treballau en diferents campos laborals. Actualment, a títol personal, arredol d’o desenrollo creativo audiovisual. De feito, Batimento ye lo suyo segundo treballo audiovisual. Se tracta d’un curto con tecnica impresionista, con una morfolochía teatral an que exploraremos qué u quí truca a la nuestra puerta. Recorreremos diferents rasgos etnograficos d’o territorio. L’anyo pasau ya nos presentó en as Chornadas lo curto-documental Casa mía, casa tuya.

Viernes 12. Transmisión d’o conoiximiento ecolochico tradicional a traviés de l’idioma. Lucía López Marco

Ye albéitar y tien un máster en agroecolochía, desenrollo rural y agroturismo, y un máster en periodismo y comunicación scientifica. Ye embrecada en a luita per la desfensa y dignificación d’a luenga aragonesa dende fa 20 anyos. Ha estau profesora d’aragonés y locutora d’o programa de Radio Topo Fendo orella. Ye autora d’es libros Haciendo Mallata y Cuan plegue o colapso. Con este zaguer ganó lo Premio Arnal Cavero en 2022.