L’Asociación Cultural Nogará – Religada naixe en 1991 con o compromiso de treballar per la recuperación d’a luenga y cultura aragonesas.
En l’actualidat, con mas de 30 anyos d’existencia, l’Asociación Cultural Nogará – Religada s’ha convertiu en un referent dentro d’este movimiento cultural y, con os nuevos tiempos, las fins de l’asociación s’han iu adaptando pa estudiar, extender, amostrar, promocionar, desfender, socializar y normalizar la luenga y cultura aragonesas.
L’Asociación Cultural Nogará ‐ Religada se basa en una chestión asembleyaria, baixo lo prencipio d’a horizontalidat, tenendo como fundamentals los prencipios democraticos de chusticia, igualdat, solidaridat, integración social, libertat y respecto per la naturaleza, lo meyo ambient y las diferencias personals y defensora d’a paz como prencipio pa la convivencia entre los pueblos. Asinasmesmo, l’Asociación Cultural Nogará ‐ Religada desfiende lo respecto a la diversidat en o suyo más amplio sentiu y especialment a la orientación sexual, a la identidat de chenero y a l’orichen cheografico y/u etnico d’as personas, condenando cualsequier postura u acción que supose una violación de ditos prencipios. L’Asociación Cultural Nogará – Religada se define como feminista.
En o siguient vinclo puez consultar las ordinacions de l’Asociación Cultural Nogará – Religada:
L’Asociación Cultural Nogara – Religada ye una asociación feita per y pa personas. Con una chestión economica muito cercana a l’autofinanciación, la consecución d’os nuestros obchectivos y la realización d’as nuestras actividaz escayeixe gracias a la contribución economica y a lo treballo voluntario d’as personas socias que la integran.
L’Asociación Cultural Nogara – Religada existe gracias a totas estas personas. Per ixo, nos fa falta la tuya colaboración.
Asociación Cultural Nogará - Religada 