L’asociación Nogará denuncia l’omisión en as suyas funcions como ente publico y plural de AragonTv, qui por segunda vegada en menos de 2 anyos ha eludiu la cobertura d’una Rueda de Prensa debant d’o Congreso d’os Deputaus, pa tractar a tramitación d’una Lei relacionada con as luengas propias d’Aragón.
Lo día 25 de mayo, dita asociación Nogará fació plegar a la subcontrata que fa los treballos pa Aragón Tv en Madrit, y a la propia Aragón TV, una Convocatoria de Rueda de Prensa pa o día 26 de mayo a las 10:30 en as Escalinatas d’o Congreso d’o Congreso d’os Deputaus. Previament lo viernes 20 de mayo ya heban avisau d’ista convocatoria con atra Nota de Prensa en la que se informaba sobre los Puntos d’a Lei de l’Audiovisual que se iban a aprobar en o Congreso. Puntos con os que Nogará, asinas como a resta d’asociacions de desfensa d’as luengas en l’Estau, amostraba o suyo desacuerdo en bells puntos, y asinas lo iba a escenificar en dita Rueda de Prensa.
Ista convocatoria de Rueda de Prensa, una vegada mas, igual como en a d’o 9 de marzo del anyo pasau en una Proposición No de Lei en favor d’as luengas minorizadas de l’Estau, no estió atendida per ista canal. Reincidindo en una falta cobertura debant d’un feito, como lo d’as Luengas propias d’Aragón, que manimenos estió atendida con total disposición per a resta de Canals Autonomicos con luengas propias en l’Estau.
Igual como en 2021, creyemos que a capacidat d’AragónTv ye mayor y se desatendió esta convocatoria deliberadament. Tornamos a exichir una rectificación en a organización d’a canal publica en l’exterior, en Madrit y Barcelona con recursos, u astí an que a cultura aragonesa tienga presencia. Creyemos que a subcontratación d’istos treballos per meyo de “ChipAudiovisual” no fa sino restar capacidat y calidat a ista cobertura. As ciudadanas aragonesas/es, tamién as que charramos as luengas propias d’Aragón, nos mereixemos un millor tracto, una televisión publica obchectiva y plural, que informe de toda l’actualidat.
Asociación Cultural Nogará 