S’ha perdiu una oportunidat enta la igualdat

• Concentración d’entidatz frent a lo Congreso 

• La lei que se va a aprebar no responde a la demanda ciudadana ni a la igualdat entre las y los ciudadanos. 

• La presencia de luengas distintas d’o castellán será testimonial 

26 de mayo de 2022 

Representants d’as prencipals entidatz que treballan a favor d’as luengas minorizadas gallega (AMESA), basca (Euskalgintzaren Kontseilua), catalana (Plataforma per la Llengua, Ómnium, ACPV, Escola Valenciana y FOLC) y asturiana (Iniciativa Pol Asturianu) s’han concentrau este maitín debant d’o Congreso d’os Deputaus antes de l’inicio d’o debat d’a lei cheneral audiovisual, perque la norma que se pretende aprebar no va a dar mas que chicotz pasos que no garantizan la igualdat lingüistica. 

Una vegada prencipiada la concentración, han preso la parola representants de diferents entidatz: Marcos Maceira (A MESA), Paul Bilbao (Kontseilua), Francesc Marco (Plataforma), Elena Jiménez (Òmnium), Ruben Pitchart (ACPV), Maria Nebot (Escola Valenciana), Daniel Condeminas (FOLC), y Ivan Llera (Iniciativa pol Asturianu). 

En primer puesto han denunciau que se tracta d’una lei que no responde a la realidat lingüistica existent en o Estau: “Hemos de tener en cuenta que esta lei ye una transposición d’a directiva d’a Unión Europea precisament pa dar cullida a la producción europea. D’esta forma, s’ha fuyiu d’a realidat lingüistica europea, dando una presencia indigna a las luengas propias d’o Estau. Creyemos sincerament que s’ha perdiu la oportunidat pa la igualdat y que la lei invisibilizará las nuestras luengas en as pantallas. Ye mas, se perpetuará la vulneración de dreitos” han afirmau-. 

Asinas, los representants d’as entidatz han feito referencia a lo proceso d’elaboración d’a lei: «Los achents socials a favor d’as luengas hemos manteniu una actitut proactiva, fendo aportacions concretas en os anteprochectos, tresladando a los partius las nuestras propuestas, activando a la ciudadanía pa contrimostrar la existencia d’una demanda social» Con tot y con ixo, s’ha feito oíus sordos a las nuestras peticions, per lo que se puede decir que la demanda ciudadana no ha estau en absoluto tenida en cuenta en a lei». 

Amás, han recordau quantos elementos replegaus en a declaración consensuada de conchunta con atros achents (CIEMEN, TIRANT y OCB d’o catalán, y NOGARÁ de l’aragonés): “Si bien la presión politica y social exercida per las entidatz ha estau determinant pa incluyir minimos pa totas las luengas, tanto en as quotas de catalogo d’as plataformas y retransmisions de TVE, como en o financiamiento anticipau, los cambios introducius son clarament insuficient y testimonials en representar entre lo 0,35% y lo 2,55% d’o conchunto. Ye decir, las quotas que s’establirán con o supuesto obchectivo de guarenciar la pluralidat lingüistica son testimonials. 

Y ye que, tal como han afirmau las entidatz, la lechislación cheneral audiovisual nomás ha establiu percentaches obligatorios de contenius minimos y financiamiento pa lo castellán, sin garra indicación ni reconoixencia pa atras luengas existents en o Estau espanyol difuera d’a retorica vueda de conteniu. Esto impide que ninos y ninas, chovens y lo publico en cheneral desfruten en a suya luenga de l’amplia ofierta disponible de programas de televisión, series y cintas. “Desgraciadament la nueva lei no suposa cambios significativos en este sentiu” han afirmau. 

Pa finalizar, los achents a favor d’as luengas minorizadas han quiesto reiterar lo suyo compromiso de seguir treballando: «Ye cierto que en esta ocasión no s’han compliu los obchectivos previstos y que aprebarán una lei que invisibiliza la presencia d’as nuestras luengas. Manimenos, seguiremos treballando pa creyar las condicions adequadas pa vivir en as nuestras luengas, asinas como pa que las nuestras luengas ganen espacios, entre ells las pantallas” han subrayau. 

Anuncio publicitario

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s