Nogará expresa lo suyo refús cuentra las agresions faixistas sofridas por l’activista asturiano Inaciu Galán y la productora de contenius audiovisuals en luenga asturiana Cuatro Gotes.
Dende l’Asociación Cultural Nogará-Religada se refirma y empara lo treballo de divulgación y dignificación de la luenga y cultura asturianas realizau por lo nuestro companyero Inaciu Galán tanto a titol personal como a traviés de l’asociacionismo y tamién a traviés d’a suya productora Cuatro Gotes. Consideramos istos ataques, promovius por partius d’a ultra dreita, como actos terroristas y menazants que vulneran los dreitos y libertatz d’as personas que desfienden pacificament lo patrimonio cultural de una luenga que ye estada minorizada sistematicament por muitos anyos.
Asperamos firmement que las autoridatz competents metan fin a ista situación castigando a aquellas personas que han endizcau y a aquellas que han realizau ditas agresions y asegure la integridat física y la seguridat d’as personas agredidas.
Deseyamos que que istos actos violentos cuentra Inaciu Galán y Cuatro Gotes Producciones no afecten a lo suyo gran treballo de defensa de lo patrimonio cultural asturiano.
Aragón, a 13 de febrero de 2022.
Asociación Cultural Nogará 