Arredol d’a nueva Lei Audiovisual

Dende Nogará veyemos con preocupación que l’aragonés no siga incluyiu en a nueva Lei Audiovisual y demandamos a suya oficialidat.

A radiz de l’aprebación o zaguer 17 d’aviento d’a nueva Lei Cheneral de Comunicación Audiovisual, dimpués d’o suyo tramite parlamentario y desbloqueyo d’os Presupuestos Chenerals’22.

Dende Nogará tornamos a veyer con preocupación como as Luengas Propias, declaradas asinas por os propios parlamentos autonomicos, tal como l’asturiano u aragonés, no disfruten d’os mesmos dreitos que as luengas oficials. Asinas podemos veyer en multitut d’atros eixemplos como l’asignación de fondos a l’Academia, Premios Literarios u colaboracions entre Instituto Cervantes y Institut Ramon Llull, Consello da Cultura Galega y Instituto Vasco Etxepare.

Creyemos que a clamada normativa europea “obligación de producción anticipada” pa conteniu europeu, en as plataformas con ingresos de mas de 10 millons d’euros por emisions, habría d’incluyir no nomás a las luengas oficials, sino tamién a las luengas propias como l’aragonés. Amás de que o Fondo de Protección Cinematografico tamién vaiga destinau a creación de contenius audiovisuals en aragonés.

Dimpués d’istas redaccions queda clara a necesidat d’a oficialidat, como la sola opción de l’aragonés pa salvaguardar a suya supervivencia con a financiación de doblaches pa esta luenga minorizada.

Amás, AragónTV debe fer una apuesta decidida de contenius doblaus y orichinals en aragonés, ya no nomás en a suya televisión, sino tamién en a suya radio y en a creación de contenius infantils y musicals. Una canal pa ninos se fa mas necesaria que nunca, como asinas ha empentau TVG en Galicia en zagueras.

Tanimientres atras canals autonomicas como Eitb u TV3 son impulsando plataformas dichitals pa empentar contenius en catalán u euskera, AragónTV sigue anclau en o pasau, sin una web en condicions, sin presupuesto y sin perspectivas de futuro.

Tornamos a demandar l’aduya d’os partius politicos aragoneses, pa presionar dende as suyas cadieras en o Congreso d’os Diputaus, en o periodo de presentación d’esmiendas d’a Lei Audiovisual dica o 7 de febrero. Y tamién a os Diputaus d’as Cortz d’Aragón, pa empecipiar un verdadero proceso d’emancipación d’as luengas propias d’Aragón, que remate en a reforma de l’Estatuto y a oficialidat d’aragonés y catalán.


Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s