Declaración conchunta d’as entidatz que treballamos per las luengas y la suya igualdat, debant d’o prochecto de Lei de l’audiovisual

Debant de l’aprebación d’o prochecto de Lei cheneral de comunicación audiovisual per parte d’o consello de ministros celebrau ahiere, las entidatz civicas y culturals que treballamos per la igualdat d’as luengas manifestamos:

Que consideramos clarament insuficients los abances pa las nuestras luengas que s’incluyen en este texto en relación con os anteprochectos feitos publicos anteriorment. Per tanto, caldrá amillorar a fondo y muito significativament lo redactau d’a lei entre lo suyo tramite parlamentario.

Entendemos que una lechislación chusta y democratica ha de reconoixer, desfender y promover la pluralidat lingüistica y cultural d’o Estau espanyol. Y ha de contribuyir a la rehabilitación y recuperación d’os espacios dica hue negaus a las nuestras luengas.

Per ixo, instamos a totas las fuerzas politicas y a lo gubierno espanyol a que, entre lo tramite en as Cortz Chenerals, lo texto d’a futura Lei Cheneral de Comunicación Audiovisual, incluiga como prencipio basico, la reconoixencia, defensa, guarencia y promoción d’a pluralidat lingüistica. Pluralidat que habría de concretar-se, a lo menos, en dos ambitos:

Primero, igualando contenius y percentaches minimos en totas las luengas d’o Estau en doblache, subtitulacions y audiodescripciones

Y segundo, igualando las obligacions de financiamiento de produccions audiovisuals en as distintas luengas d’o Estau, ya sían pa plataformas dichitals u per canals televisivas.

En este sentiu, nos comprometemos a poder aconseguir estes obchectivos, realizando totas las chestions y actuacions necesarias debant d’os deputaus y senadors, y tamién debant d’o gubierno espanyol, entre tot lo periodo d’o suyo tramite parlamentario, tanto dende los nuestros respectivos territorios como tamién en Madrid, de forma conchunta.

Recordemos que l’audiovisual ye un d’os sectors en os quals la exclusión de luengas diferents d’o castellán ye mas evident. D’os milars de titols d’os catalogos de plataformas audiovisuals como Netflix, HBO Max, Prime Video, Rakuten TV, Apple TV+, Movistar+ u Disney+, entre atros, nomás un percentache anecdotico, en o millor d’os casos, y mayoritariament nomás en produccions propias, ye disponible en os nuestros idiomas. Manimenos, la ofierta doblada u subtitulada en castellán ye completa, mesmo en distintas variedatz. Y tenemos decenas d’atros idiomas en tota la ofierta sin que esto supose garra problema.

Dica agora, la lechislación cheneral de l’audiovisual nomás ha establiu percentaches obligatorios de contenius y financiamiento minimas pa lo castellán, sin indicación ni reconoixencia d’atras luengas existents en o Estau espanyol, dillá d’a retorica vueda de conteniu que existe en atros textos legals. Esto impide que los ninos, los chovens y lo publico per lo cheneral desfruten de l’amplio abanico disponible de programas, series y cintas en a suya luenga.

Ye menister actuar decididament en o sector audiovisual, un d’os ambitos an que la situación d’exclusión d’as nuestras luengas ye mas evident y que, a lo mesmo tiempo, ye una d’as ofiertas de ocio mas utilizadas per la ciudadanía en cheneral, y los chovens y los ninos en particular. Estes dos elementos confluyen en un sector estratechico con gran capacidat pa contribuyir a lo desembolique lingüistico, cultural y economico d’os nuestros respectivos países.

Sinyan esta declaración:

Mesa pola Normalización Lingüística (Galiza)- Euskalgintzaren Kontseilua (Euskal Herria)- Òmnium Cultural, Plataforma per la Llengua, Ciemen, Acció Cultural del País Valenciá, Obra Cultural Balear, Escola Valenciana, Associació Cultural Valenciana Tirant lo Blanc, Federació d’Organitzacions per la Llengua Catalana, Iniciativa pol Asturianu (Asturies) y Asociación Cultural Nogará-Religada (Aragón).

Texto integro AQUÍ


Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s