Gran acullida d’a biera “Religada”

Gracias a Ordio Minero, a biera conmemorativa d’os 25 anyos de Nogará ya ye una realidat. Y gracias a las personas que participoron en os retz socials con quasi 100 propuestas, a biera ya tien nombre: RELIGADA

Entre as personas que proposoron Religada como nombre en o concurso, a primera en fer-lo (6 de chenero a las 12:11) estió Yoli AP en Facebook, y ye a ganadora d’un pack d’ista biera.

Religada se presentó o pasau viernes 22 en Casa Lambrote, con un concierto de Drunken Cowboys. Os mosicos de Montalbán compartioron a suya mosica con as decenas de personas que i estiemos fendo-nos os primers tragos. Dimpués d’o concierto, a borina continó con mas mosica y firmes capazos en aragonés.

As celebracions d’os 25 anyos de treballo por l’aragonés de Nogara, continan asinas con a saber que rasmia, dimpués d’una chornada que fació rebutir Casa Lambrote y an que l’ambient estió imposible d’amillorar.

Dimpués d’iste primer taste, a biera Religada nos acompanyará en as celebracions d’iste 2016 y saldrá a la venda en botella.

Brindamos con istos primers vasos de Religada por Ordio Minero, Los Drunken Cowboys, Casa Lambrote, toda a chent que dietz nombre a la biera u vinietz t’o taste!