Zaguers diyas t’apuntar-se a os cursos d’aragonés

Cartel selfiesYa queda menos d’una semana ta que empecipien os cursos d’aragonés de 2015/2016 en l’Asociación Cultural Nogara. Iste sabado empecipia ya o primer curso y a semana venient, o mierques 4 y chueves 5 prencipiarán os atros dos cursos de primero. A l’atra semana, o lunes 9 de noviembre, prencipiará o curso de segundo nivel. Ya bi ha a saber que chent apuntada, pero encara queda plazas libres. Y si no vives en Zaragoza, u garra d’os horarios nuestros te fan honra, recuerda que puetz apuntar-te tamién a os cursos on-line.

Iste anyo, dimpués de l’acto de devantadera que celebremos o mes pasau, s’empecipió una campanya de videos an que diferents cintas yeran dobladas a l’aragonés ta convidar-tos a apuntar-tos a os cursos y prencipiar a aprender aragonés, continar fendo-lo, u prebar de vivir un poquet más ista lengua con todas nusatras. A primer cinta que se penchó, gracias a o treballo de Cintas d’enguero, estió O Sinyor d’os aniellos. Dimpués en venió una ripa más que tos convidamos a viyer.

Antimás, cal recordar que, tamién en a devantadera, prencipiemos a campanya #Nogara25anyos, ya que estianyo fa 25 anyos que escompencipiemos con a nuestra actividat de defensa de l’aragonés y d’amostranza d’a lengua. En ista campanya te convidamos a fer-te una foto, un video un selfie u lo que t’agane y la compartas fendo servir o hashtag #nogara25anyos. Ya en hemos recibiu arrienda y asperamos recibir-ne un fascal más. Si encara no has participau en ista campanya contino penchamos beluna d’as fotos que ya nos han plegau t’animar-te a fer-lo!

Asinas que ya sabes. No deixes pasar atra anyada sin prencipiar a aprender aragonés u, si ya en sabes, sin fer-lo servir terne que terne. A nuestra lengua continará viva nomás si qui la fablamos la femos servir!


One response to “Zaguers diyas t’apuntar-se a os cursos d’aragonés

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s